Adele, umaani ng batikos dahil sa pagsuot ng Jamaican flag bikini

Trending o usap-usapan sa online world ang British singer na si Adele.

Ito’y matapos rumampa ang 32-year-old singer habang naka-bikini pero ito ay may istilo na hango sa bandila ng Jamaica.

Agaw-pansin din ang knot hairstyle nito o yaong tradisyonal na African hairstyle.

Mayroong mga natuwa sa outfit ni Adele, pero inulan din ito ng puna dahil daw sa hindi pagrespeto sa kultura ng Jamaica.

Nabatid na hakbang ito ng “Rolling in the Deep” hitmaker bilang tribute sa nakanselang Notting Hill Carnival sa London.