Mariing pinabulaanan ng Office of the Vice President (OVP) ang naging pag-uugnay sa tree planting activities ng kanilang programang “Pagbabago: A Million Trees Campaign” sa compliance ng Cale88 Foods Corporation sa mga requirement ng Board of Investments.
Nakapaloob din sa isang pahayag na ang pag-uugnay sa opisina ng bise presidente sa partisipasyon nito sa mga environmental activities sa Cale88 Foods Corporation BOI compliance ay misleading, malicious, at walang totoong basehan.
“Any attempt to link the Vice President’s participation in the OVP’s environmental initiatives to Cale88 Foods Corporation’s BOI compliance is misleading, malicious, and has no factual basis,” ayon pa sa OVP.
Ipinaliwanag din sa naging pahayag ng bise presidente na ang “Pagbagago: A Million Trees Campaign” ay isang independent environmental initiative ng OVP, na nailunsad noong March 27, 2023 bilang pagsuporta sa Department of Environment and Natural Resources’ (DENR).
Ang inilabas na pahayag ay kaugnay sa pagtatanong at alegasyong umiikot sa financial transactions at operations ng Cale88 Foods Corporation na tinalakay sa impeachment trial ni Vice President Sara Duterte kahapon, araw ng Biyernes, November 20.
Sa ika-45 na araw ng Impeachment Trial, tinanong ng prosecution si Trade Undersecretary Ceferino Rodolfo, isa sa defense witness kung ang tree-planting activities nga ba ng bise presidente ay konektado sa BOI requirement sa enterprises na makapagtanim ng halos 100 forest trees upang maqualify sa incentives.
Sa huli, sinabi rin ng bise presidente na mananatali pa rin ang kanyang paglilingkod sa mamamayang Pilipino sa likod ng mga kinakaharap na mga alegasyon.
“Amid these allegations and political insinuations, the OVP remains steadfast in fulfilling its mandate of delivering efficient, accessible, and responsive public service for the good of all Filipinos,” dagdag pa sa pahayag ng bise presidente.









