Mayroon ng walong indibidwal ang inaresto ng mga otoridad sa Hong Kong sa patuloy na imbestigasyon sa naganap na malawakang sunog sa Wang Fuk Court na isang housing complex.
Kasama sa mga naaresto ang dalawang director ng consultancy firm na siyang nagbibigay ng abiso sa maintenance works sa lugar maging ang dalawang project managers na siyang tumitingin sa trabaho at ang tatlong scaffolding subcontractors at isang tagapamagitan.
Una ng inaresto ang tatlong katao na dalawang company directors at consultant subalit sila ay pinakawalan din at pinapabalik sa mga otoridad para sa karagdagang imbestigasyon.
Sa ngayon ay umabot na sa 128 katao na ang kumpirmadong nasawi habang mayroong mahigit 200 pa ang nawawala.
Bawat pamilya ng namatayan ay makakatanggap ng tig -$25,700 o katumbas ng mahigit P1.5 milyon habang ang mga naapektuhang bahay ay makakatanggap ng halos P400,000.
Nagpapatuloy pa rin ang mga otoridad sa Hong Kong kung paano nagsimula ang sunog na mahigit dalawang araw nila bago tuluyan itong maapula.
