603 new COVID-19 cases naitala; active cases nasa 13,853

Pumalo sa 603 na bagong COVID-19 cases ang naitala ng Department of Health (DOH) ngayong araw ng Linggo, dahilan para umakyat ang total case load ng bansa sa 2,834,775.

Kaya naman sa ngayon ay nasa 13,853 ang active cases sa bansa, kung saan 5,532 dito ang mild, 1,270 ang asymptomatic, 2,410 ang severe at 738 naman ang nasa critical condition.

Ang total recoveries naman ay umakyat sa 2,771,536 makalipas na 1,047 pang pasyente ang gumaling sa COVID-19.

Pero ang death toll ay nasa 49,386 na kasunod nang naitalang 156 new fatalities.