60 barangay sa Pampanga lubog sa baha

DAGUPAN CITY – Nananatili ngayon sa evacuation centers ang ilang residente sa Pampanga matapos malubog sa baha dulot ng ulan at hangin ng Habagat.

Batay sa ulat, nasa halos 60 barangay mula sa mga bayan ng Sasmuan, Apalit, Lubao, Masantol, Macabebe at Bacolor ang apaw ngayon sa tubig.

Bukod dito, hindi na rin daw madaanan ng sasakyan ang ilang tulay at kalsada sa mga nasabing bayan.

Kabilang sa mga ito ang Maliwalu bridge sa Bacolor; Sto. Nino Road at Kalsadang Bayu sa Masantol.