Ipinag-utos ng Office of the Ombudsman ang anim na buwang preventive suspension nang walang bayad laban sa limang project engineers ng DPWH Bulacan First District Engineering Office.
Kabilang sa mga suspended engineers sina Irene D. Ontingco, Kevin A. Geronimo, John Michael E. Ramos, Bernardo P. Villafuerte, at Michelle C. Cruz dahil sa umano’y pagkasangkot sa P188.8-milyong ghost flood control projects sa Baliuag, Bulacan.
Kinakaharap ng mga nabanggit ang mga administratibong kaso ng grave misconduct, serious dishonesty, at gross neglect of duty kaugnay ng tatlong proyekto ng reinforced concrete slope revetments noong 2024.
Lumalabas sa imbestigasyon na ginawa umano ng mga inhinyero ang pagpapatalsik at pagpapeke ng mga dokumento sa inspeksyon, pagtanggap, at pagbabayad upang magmukhang lehitimo ang mga proyekto.
Inihayag ng Ombudsman na kinailangan ang suspensyon dahil sa katatagan ng ebidensya at upang maiwasan ang anumang pagtatangka na maimpluwensyahan ang mga saksi habang umiiral ang imbestigasyon.
Hindi naman isinama sa order si dating Officer-in-Charge District Engineer Brice Ericson D. Hernandez at dating Assistant District Engineer Jaypee D. Mendoza dahil wala na ang mga ito sa aktibong serbisyo sa gobyerno.
