-- Advertisements --
Kinumpirma ni Presidential Spokesman Harry Roque ang pagtatalaga ni Pangulong Rodrigo Roa Dutert kay George Villareal Ursabia, Jr. bilang Commandant ngPhilippine Coast Guard (PCG).
Sinabi ni Sec. Roque, nilagdaan ni Pangulong Duterte ang appointment paper ni Ursabia ngayong araw bilang kapalit ni Vice Admiral Joel Garcia na nagretiro na.
Ayon kay Sec. Roque, tiwala sila sa kakayahan ni Ursabia para matupad ang vision ng PCG na maging “world-class guardian of the sea.”
Si Ursabia ay miyembro ng Philippine Military Academy (PMA) Hiniran Class of 1987.
Bago ang kanyang appointment bilang PCG commandant, si Ursabia ang head ng Task Group COVID-19 Water Cluster.
