Inanunsyo ni US President Donald Trump na napagdesisyunan nito na gawing permanent residence ang Palm Beach sa estado ng Florida sa Amerika.
Ito’y sa kabila ng pagkakaroon ng penthouse apartment sa Fifth Avenue sa New York, pero mas madalas manatili sa kanyang pag-aari na Mar-a-Lago estate sa Palm Beach simula 1985.
“My family and I will be making Palm Beach, Florida, our Permanent Residence,” saad ng 73-year-old US president sa Twitter.
“Despite the fact that I pay millions of dollars in city, state and local taxes each year, I have been treated very badly by the political leaders of both the (New York) city and state,” dagdag nito.
Patuloy pa rin naman daw niyang tutulungan ang mga mamamayan ng New York kahit pinal na ang kanyang desisyon na paglipat ng residency. (CNA)
