-- Advertisements --
Umaasa si Gilas Pilipinas head coach Tim Cone na makakakuha ito ng buong suporta sa mga Pinoy dahil sa nalalapit na laban nila kontra Guam na gaganapin sa Ateneo Gym sa Disyembre 1.
Ang nasabing pahayag ay kasunod ng pagtambak ng Gilas 87-46 sa unang laban nila sa Guam nitong Biyernes para sa pagsisimula ng FIBA World Cup Asian Qualifiers.
Sa nasabing panal ay target ng Gilas na maulit ito para makuha ang 2-0 na bentahe sa Group A.
Giit ni Cone na hindi sila magpapakumpiyansa dahil sa inaasahan nila na gagawa ng paraan ang Guam para makabawi ng panalo
Magsasagawa agad sila ng ensayo pagdating nila sa bansa sa araw ng Linggo bago ang pagsabak sa laro sa araw ng Lunes.
