Nagpahayag ng pagkabahala si Senador Ronald “Bato” dela Rosa na mas maraming pulis ang nasasangkot sa mga insidente ng road rage at abuse of police power.
Binanggit ni Bato ang labis na paggamit ng puwersa ng anim na pulis ng Navotas na “nagpanic-fired” sa isang ilog sa pagtugis sa isang suspek sa pamamaril. Ang operasyon ay humantong sa pagkamatay ni Jerhode Baltazar, 17, sa kaso ng mistaken identity.
Ang pagkamatay ni Baltazar ay nagtulak kay Dela Rosa, na nanguna sa imbestigasyon ng Senado sa pagkamatay ng binatilyo, na himukin ang pulisya na ibalik ang paggamit ng mga batuta at pito lalo na sa mga trigger-happy na pulis.
Sa isa pang insidente na kinasasangkutan ng isang pulis, nagpahayag si Dela Rosa ng pag-asa na ang dinismiss na pulis na si Wilfredo Gonzales – na nakunan ng video na hinahampas ang ulo ng hindi pa nakikilalang siklista at hinugot ang kanyang baril sa Quezon City noong nakaraang buwan – ay dadalo sa pagdinig ng Senate public order committee kaugnay sa nsidente ng road rage.
Ipatatawag ng Senado si Gonzales kapag hindi siya nakadalo.
Samantala, nagpahayag din ng pagkadismaya si Dela Rosa kay Mandaluyong police chief Col. Cesar Cerente na nagpositibo na gumagamit ng droga.
Itinutulak ng dating hepe ng pulisya ang muling pagsasanay ng mga pulis upang maiwasan ang kanilang pagkakasangkot sa excessive police force, road rage incidents and illegal substance use.
