LAOAG CITY – Inihayag ni Bombo International News Correspondent Hector Baytec mula sa Canada na ang pag-aangkat ng oil at gas mula sa Canada ay isa sa mga magagandang bunga ng state visit ni Pangulong Ferdinand Marcos Jr.
Sinabi niya na malaki ang maitutulong nito sa Pilipinas kung maisasakatuparan, lalo na’t naghahanap ang bansa ng mga potensyal na mapagkukunan ng inaangkat na langis dahil sa kaguluhan sa Middle East.
Ipinagmalaki niya na ang Canada ay itinuturing na nangungunang prodyuser ng langis at gas sa buong mundo.
Binanggit niya na ang oil at gas mula sa Canada ay maaaring angkatin nang hindi na kinakailangang dumaan sa Strait of Hormuz.
Ipinaliwanag niya na nakikita ni Canadian Prime Minister Mark Carney na ang Asya ang inaasahang magiging susunod na sentro ng mabilis na paglago ng ekonomiya.
Kaugnay nito, sinabi ng Baytec na maraming Pilipino ang kinukuha ng Canada sa mga larangan ng information technology, pagsasaka, nursing, at turismo dahil naniniwala ang Canada na ang mga Pilipino ay mga skilled worker.
Idinagdag niya na hindi maiiwasan ang pagkakaroon ng mga kilos-protesta mula sa ilang indibidwal kasabay ng pagbisita ni Pangulong Marcos.
Samantala, ngayong araw, Hulyo 4, ang huling araw ng 4-day state visit ni Pangulong Marcos sa Canada.
