Mga residente ng Asingan, Pangasinan, inaalala ang mga naging proyekto ni dating Pres. Fidel V. Ramos

BOMBO DAGUPAN – Inaalala ng mga ilang mga mamamayan sa bayan ng Asingan ang mga naging proyekto ni dating pangulong Fidel V. Ramos sa nakalipas na taon ng kanyang pamumuno.

Ayon kay Noel Abella ng brgy. Bantog, ang dating pangulong Ramos daw ang isa sa naging mabuti at magaling na presidente ng Pilipinas kung saan nakapagpatayo ito ng ilang insfraktratura gaya ng San Roque Dam at mga tulay.

Patuloy pa rin ang kanilang pakikidalamhati sa pagkamatay ng dating pangulo.

Samantala, sa panig naman ni Mary Ann Abalos, likas na matulungin at may kabutihang loob si FVR.

Hindi rin umano maikakatwa ang pagmamahal ng mga residente sa kanilang bayan sa naturang lider.

Umaasa naman sila na madala sa kanilang bayan ang labi ni Ramos para sa public viewing.