Lalaking kabilang sa Top 10 target list sa Bohol Province, arestado sa buybust

BOHOL – Arestado ang isang high-value target sa isinagawang buybust operation ng pinagsanib-pwersa ng PDEA Bohol Provincial Police at Clarin PNP sa Brgy. Nahawan, Clarin nitong Biyernes, September 4.

Kinilala ang naaresto na si Romeo Sanchez, 59-anyos, na kabilang sa Top 10 Bohol Province Target list.

Nakumpiska mula sa suspek ang siyam na pakete ng pinaghihinalaang shabu na na nagkakahalaga ng tinatayang P47,600 at ang buybust money.

Kasong paglabag sa Section 5 at 11 ng Republic Act 9165 o Comprehensive Dangerous Drugs Act of 2002 ang isasampa laban kay Sanchez.