ILOILO CITY – Nagpapatuloy sa ngayon ang filming ng Netflix mini series na “A Love to Kill” sa lungsod at lalawigan ng Iloilo.
Ito ay Filipino remake ng South Korean TV series na “A Love to Kill”.
Sa panayam ng Bombo Radyo kay Ronny Poblacion, behind the scenes photographer at videographer sa filming ng nasabing mini series, sinabi nito na maraming historical sites at modern infrastructures sa Iloilo na “photogenic” at “perfect” para sa proyekto.
Aniya, natapos na ang filming sa Janiuay Cemetery na itinuturing na most artistic cemetery sa bansa.
Ipakikita rin sa munting serye ng American streaming ang Calle Real, at ang Angelicum School.
Parte ng casting ng mini series ang hunk actor at action star na si Ian Veneracion, sexy actress na si Andrea Torres, Aljur Abrenica, Ilonggo actor na si Joel Torre, Miss Grand International 2016 1st runner-up Nicole Cordoves, at aktor na si Pepe Herrera.
Inaasahan din umano sa casting ang Ilongga beauty queen na si Miss Universe Philippines 2020 Rabiya Mateo.
