Ilang bahay, nasira ng ipo-ipo sa Agusan Sur

BUTUAN CITY- Aabot sa sampung kabahayan ang nasira matapos tamaan ng ipo-ipo sa San Toribio, bayan ng Esperanza, Agusan del Sur, kahapon ng hapon.

Nagkayupi-yupi at natanggal ang mga bubong na yero ng mga bahay matapos madaanan ng ipo-ipo na tumagal ng ilang minuto.

Sa lakas nito, bumaliktad din ang isang waiting shed na gawa ng kahoy sanhi ng naramdamang takot ng mga residente.

Bagama’t may mga napinsalang bahay, wala namang naitalang nasaktan sa insidente.