Nakikipag ugnayan na ngayon ang House Leadership sa pangunguna ni Speaker Martin Romualdez sa Malacañang at sa kanilang counterpart ang Senado para maiwasan ang pag veto ng Pangulo sa mga batas na aprubahan at pagtibayin ng 19th Congress.
Sa isang press briefing kasama sina House Majority Leader Manuel Jose “Mannix” M. Dalipe, Marikina City Rep. Stella Luz Quimbo at House Assistant Majority Leader at Pwersa ng Bayaning Atleta Party-list Rep. Margarita Ignacia “Migs” Nograles, siniguro ng mga ito ang smooth and swift approval sa legislative agenda ng Pang. Ferdinand “Bongbong” Marcos at iba pang pro-people measures.
Ayon kay Dalipe, mahalaga ang koordinasyon dahil mas napapadali ang proseso at nagkakaroon ng better linkages, synergy at ugnayan to fast-track, facilitate and harmonize sa pagpasa sa mga tinaguriang vital measures.
Kumpiyansa si Dalipe na sa pamumuno ni Senate Pres. Migz Zubiri, Speaker of the House Martin Romualdez, at ng Pangulong Bongbong Marcos, siguradong ma-achieved ang mga legislative agenda ng administrasyon.
Inihayag naman ni senior vice chairman ng House Committee on Appropriations, Rep Stella Quimbo na dumalo siya sa unang Legislative-Executive Development Advisory Council (LEDAC)- Technical Working Group (TWG) nuong nakaraang linggo layon ng pulong para ma expedite ang pag apruba sa mga priority bills ng Pang. Marcos at matiyak na ang government resources ay hindi mapupunta sa wala.
Ang 19 priority measures ni Pang. Marcos ay ang mga sumusunod:
Valuation Reform Bill, Passive Income and Financial Intermediary Taxation Act (PIFITA), E-Governance Act, Internet Transaction Act, GUIDE bill, Medical Reserve Corps bill, National Disease Prevention Management Authority bill, Virology Institute of the Philippines bill, Unified System of Separation, Retirement and Pension bill, Department of Water Resources bill, E-Governance Act, National Land Use Act, Mandatory Reserve Officers’ Training Corps (ROTC) and National Service Training Program, Budget Modernization bill, National overnment Rightsizing Program, National Defense Act, Enactment of an Enabling Law for the Natural Gas Industry, Amendments to the Electric Power Industry Reform Act, and Amendments to the Build-Operate-Transfer Law.
Nasa walong measures na dito ang naaprubahan na ng 18th Congress.
Samantala, tiniyak naman ni Rep. Quimbo na kumpiyansa sila na mapapasa on time ang national budget, sa katunayan nakalatag na ang timeline para sa gagawing budget deliberations ng Kamara.
Sinabi ni Quimbo para mapadali ang pagtalakay nagdeploy ang komite ng mas maraming sponsors na tututok sa bawat ahensiya ng pamahalaan.
Inaasahan na isusumite ng ehekutibo ang 2023 Natl Expenditure Program (NEP) sa Kongreso sa Aug. 22.
Target naman aniya na matapos at pagtibayin ng Kamara ang proposed P5.268T budget sa September 30,2022.
