High value target na magsasaka, arestado sa buy bust operation sa Kalinga

BAGUIO CITY – Arestado ang isang high value target sa buy-bust operation na isinagawa ng mga otoridad sa Dagupan Weste, Tabuk City, Kalinga.

Nakilala itong si Reycon Salebad Acebes, 39-anyos, magsasaka at residente ng Laya East, Tabuk City, Kalinga.

Nakumpiska mula sa kanya ang isang pakete ng pinaniniwalaang shabu.

Nahalata ni Acebes ang prensia ng mga otoridad kaya tumakbo ito sa kanyang kwarto at tinangka niyang takasan ang mga pulis.

Gayunman, nahuli pa rin ito ng mga otoridad at nakumpiska pa sa kanyang kwarto ang mga dried marijuana leaves at mga drug paraphernalia.

Sa ngayon, nahaharap ito sa kasong paglabag sa RA 9165 o ng Comprehensive Dangerous Drugs Act of 2002.