DSWD tiniyak ang tulong sa mga magsasakang sinasalanta ng El Nino

May nakalaang tulong ang Department of Social Welfare and Development (DSWD) sa mga magsasakang apektado ng El Nino.

Sinabi DSWD Asssitant Secretary at spokesperson Romel Lopez, na sila ay nakikipag-ugnayan sa mga local government unit (LGU) para makakuha ng listahan ng mga magsasakang apektado ng tag-tuyot.

Mananatiling priyoridad aniya nila ang mga nasa vulnerable sektor na maapektuhan ng iba’t-ibang krisis.

Una rito ay iniulat ng Department of Agriculture na mayroong mahigit 2,000 mga magsasaka sa Western Visayas at Zamboanga ang naapektuhan ng kanilang pananim dahil sa El Nino.