Tinanghal na kampeon ang mga batang manlalaro ng chess ng Dasmariñas City sa isinagawang unang Masskara Festival national chess championships na ginanap sa Bacolod City.
Nasungkit ng Dasmariñas woodpushers ang championship crown at ang P150,000 cash prize matapos talunin ang General Santos City team sa two-game championship format.
Ang five-man team, ay pinondohan ni Mayor Jeniffer Barzaga at asawang si Cavite Fourth District Rep. Elpidio Barzaga Jr., ay binubuo ng lahat ng chess masters na may edad 20 taong gulang pababa.
Ang nasabing grupo ay pinangunahan nina international master (IM) Daniel Quizon (board 1); International Chess Federation (FIDE) master Roel Abelgas (board 2), who is also the team’s coach; international master Michael Concio Jr. (board 3); national master Mark Jay Bacojo (board 4); at national master Christian Gian Karlo Arca.
Sa finals, dinaig ng mga manlalaro ng Dasmariñas ang koponan ng General Santos City sa iskor na 4-0 sa unang laro at 2.5-1.5 sa ikalawang laro.
Pinabagsak din ng Dasma woodpushers ang General Santos team sa pangunguna nina IM Hamed Nouri (board 1), Ellan Asuela (board 2), IM Pimentel (board 3), IM Elect Eric Labog Jr. (Board 4) at master caliber Sherwin Tiu (board 5).
Nadaig ng koponan ang kanilang mga nakatatandang kalaban at nadomina ang maraming powerhouse teams at local government units na lumahok sa nasabing torneo at umuwing matagumpay at may matingkad na kulay.
Pumapangatlo si Dasmarinas sa apat na koponan na nakapasok sa semifinals.
Kasunod nito ay nanalo sila sa two-game semifinals laban sa Muntinlupa City sa pangunguna nina FM Nelson Mariano III (board 1), FM Narquingden Reyes (board 2), Leonard Raymond Reyes (board 3) at Chester Neil Reyes (board 4) na may score na 5. -3.
Nasungkit din ng Dasmariñas Women’s Team (Team B) ang kampeonato sa All Women category.
Ang koponan ay binubuo rin ng lahat ng chess masters na pinamumunuan ni WIM Mary Antoinette San Diego (board 1), WIM Kylen Joy Mordido (board 2), WNM Jerlyn Mae San Diego, at WNM Darren Dela Cruz.
Kasalukuyang naghahanda ang mga batang lalaki at babaeng chess player ng lungsod para sa internasyonal at pambansang kompetisyon sa mga susunod na araw.
Ang unang Masskara National Inter-Provinces, Cities, Municipalities Chess Championships ay ginanap noong Oktubre 12 hanggang 15 sa Forest Park Garden Water Resort, Bacolod City.
