Kinumpirma ng Department of Education (DepEd) na nag-positibo sa COVID-19 si Education Sec. Leonor Briones.
Sa isang statement nilinaw ni Sec. Briones na siya ay "asymptomatic" at sumailalim na sa isolation. | @BomboRadyoNews pic.twitter.com/eUXQZeVN4L
— Christian Yosores (@chrisyosores) April 9, 2020
Sa isang statement, sinabi ng kalihim na nitong April 8, Miyerkules, nang ipaalam sa kanya ng Research Institute for Tropical Medicine na positive siya sa SARS-COV-2 na causative agent ng COVID-19.
Ang nasabing resulta ay bunga raw ng pagpapasailalim ng Education secretary sa pangalawang testing.
“This has been my second test. The first was on March 13 after a number of Execom members were exposed to a patient who tested for COVID-19; I received the result on March 16; it was negative.”
Nitong April 2 raw nang muling magpa-test si Briones matapos maiulat na nag-positibo ang isang kapwa niya Cabinet official.
“He and I attendeed an urgent and critical meeting of select Cabinet officials on March 23. My test result, as I said, was positive.”
Sa ngayon, nananatili naman daw asymptomatic o walang nararamdamang sintomas ang kalihim.
Nagpasailalim na rin si Briones sa isolation, pero nangakong magpapatuloy sa pag-attend sa meetings kahit sa pamamagitan ng virtual presentation.
“Like my fellow Cabinet member, I will continue working — virtually attend IATF meetings, preside over DepEd EXECOM and MANCOM, and make all decisions necessary to keep DepEd in full operation.”
Nanawagan naman ang secretary sa mga nagkaroon ng physical contact sa kanya na sundin na agad ang self-quarantine sa kani-kanilang mga bahay.
“DepEd has coordinated with the DOH for the contract tracing and other necessary interventions following their protocol.”
“It is my hope and my fervent prayer that we will recover as a nation and that our spirit of bayanihan will push us through. With God’s grace, we will heal as one.”
