Tinambakan ng Cleveland Cavaliers ang star-studded team na Philadelphia 76ers, 119-95.
Hindi kinaya ng 8-2 Sixers ang matinding 2nd-half offensive ng Cleveland, lalo na at inalat nang husto ang dalawang bigman ng koponan na sina Joel Embiid at Lebron James.
Nakabawi pa ang Phila sa 11-point deficit na dinanas nito sa unang quarter at dinala ang score sa 62-54 sa pagtatapos ng 1st half.
Gayonpaman, umarangkada ang Cavs sa ikatlong quarter at tuluyang lumubo sa 17 points ang kalamangan bago pumasok sa huling bahagi ng laban.
Hindi pa rin nakabawi ang Phila sa huling quarter at tuluyang dinanas ang 24-point loss sa pagtatapos ng laban, 119-95.
Sa pagkatalo ng Phila, bigong makagawa ng field goal ang sentrong si Joel Embiid mula sa siyam na kaniyang pinakawalan at tanging ang anim na free throw lamang ang matagumpay niyang naipasok.
Hindi rin naging maganda ang laro ng NBA superstar na si Lebron at tanging tatlong field goals ang naipasok niya mula sa 12 attempts. Sa apat na 3-pointers na kaniyang pinakawalan, wala ni isa ang nakapasok.
Para sa winning team na Cavs, nanguna ang guard na si Donovan Mitchell na gumawa ng 23 points, pitong rebounds, walong assists, at dalawang steal habang 22 points at anim na rebounds naman ang kontribusyon ng sentro na si Evan Mobley.
Ito pa lamang ang ikalawang pagkatalo ng Sixers ngayong season habang umabot na sa walo ang panalo nito. Tangan naman ng Cleveland ang win-loss record na 5-4.
