Nananatili sa ilalim ng Signal No. 1 ang 19 na lugar habang patuloy na kumikilos sa karagatang sakop ng Eastern Samar ang Tropical Depression Wilma.
Ayon sa cyclone bulletin ng state weather bureau kaninang alas-11 ng gabi, ang mga lugar na nasa ilalim ng Signal No. 1 ay maaaring makaranas ng malalakas na hangin na may bilis na 39 hanggang 61 kph sa loob ng susunod na 36 oras:
- Sorsogon
- Masbate, including Ticao and Burias Islands
- Romblon
- Southern portion of Oriental Mindoro (Bulalacao, Mansalay, Roxas, Bongabong, Bansud)
- Southern portion of Occidental Mindoro (Magsaysay, San Jose, Rizal, Calintaan, Sablayan)
- Northernmost portion of Palawan (Araceli, Dumaran, El Nido, Taytay, Roxas, San Vicente), including Cuyo, Calamian, and Cagayancillo Islands
- Northern Samar
- Eastern Samar
- Samar
- Biliran
- Northern and central portions of Leyte (Tunga, Pastrana, San Miguel, Mahaplag, Matag-Ob, Tolosa, Palo, Calubian, Leyte, Mayorga, Julita, Carigara, Babatngon, Dagami, Inopacan, Jaro, Abuyog, San Isidro, Santa Fe, Albuera, Villaba, La Paz, Palompon, Macarthur, Tabontabon, Tanauan, Merida, Ormoc City, Isabel, Javier, Dulag, Capoocan, Alangalang, Hindang, Baybay City, Burauen, Tabango, Tacloban City, Kananga, Barugo)
- Northern and central portions of Cebu (Daanbantayan, Medellin, Bogo City, San Remigio, Tabogon, Borbon, Tabuelan, Tuburan, Sogod, Catmon, Asturias, Carmen, Danao City, Balamban, Compostela, Liloan, Consolacion, Mandaue City, Cebu City, Talisay City, Minglanilla, Toledo City, Pinamungahan, Naga City, Lapu-Lapu City, Cordova), including Bantayan and Camotes Islands
- Northern portion of Negros Oriental (Canlaon City, Vallehermoso, Guihulngan City)
- Northern and central portions of Negros Occidental (Sagay City, Escalante City, Toboso, Calatrava, Enrique B. Magalona, Victorias City, Manapla, Cadiz City, Bacolod City, Talisay City, Silay City, Salvador Benedicto, San Carlos City, Murcia, Bago City, La Carlota City, La Castellana, Moises Padilla, Valladolid, Pulupandan, San Enrique, Pontevedra, Isabela, Hinigaran)
- Guimaras
- Iloilo
- Capiz
- Aklan
- Antique, including Caluya Islands
Naka-Gale Warning pa rin sa hilaga at silangang baybayin ng Luzon. Umaabot sa 5 metro ang taas ng alon sa ilang lugar tulad ng Cagayan, Isabela, Aurora, Polillo Islands, Camarines Norte at Sur.
Mariing ipinagbabawal ang paglalayag sa maliliit na sasakyang pandagat at pinapayuhang manatili sa pantalan ang lahat ng uri ng sasakyang-dagat dahil sa napakatarik hanggang magaspang na karagatan.
Ayon sa ahensya, ang sentro ng bagyo ay tinatayang nasa karagatan ng Oras, Eastern Samar (12.1°N, 125.6°E).
Taglay nito ang 45 km/h na lakas ng hangin malapit sa gitna, bugso hanggang 55 km/h, at central pressure na 1004 hPa. Mabagal itong kumikilos pa-west northwest.
