VIGAN CITY – Inyunay-unay ni Vigan City Health Officer Loida Afroilan Raches a ti kinatalged laeng iti umili iti panpanunotenda isu a nainget nga ipalpalagipda iti panagannad tapno maliklikan iti covid-19.

Iti pannaki-uman iti Bombo Radyo Vigan ken ni Ranches, arigna nabannogen dagiti health worker ngem ikarkarigatanda latta para iti pagsayaatan iti amin.

-- Advertising --

Kiddaw ni Ranches a rumbeng a patien nga adda iti covid-19 ta adda dagiti pagibasaran iti panangduktalda iti nasao a sakit ket saanen a maibaga a pagkwarkwartaanda laeng dagiti pasyente ta nasakit para kadakuada dagiti pammabasol nga awan iti kinaagpaysona.

Iti agdama ket addan iti sangagasut sangapulo ket siam a kaso iti covid-19 iti siudad ti Vigan ket kaaduan a nairekord ket gapu iti local transmission.

Kabayatanna, kiddawna kadagiti agawid nga agnaed iti siudad ti pannakikammayetda iti LGU babaen iti panang-contact kadakuada tapno masaganaan iti papananda a quarantine facilities.