© Jonalyn Ecraela Fabro Facebook Account.

VIGAN CITY – Nangidiaya ni Ariel Fabro ti PHP 100,000 a gunguna kadagiti makaited iti naan-anay nga impormasyon para iti pannakasolbar iti pannakatay ti asawa na a ni Jonalyn Ecraela Fabro idi February 1.

Maipalagip nga idi February 1 sakbay iti pangaldaw ket nasarakan iti bangkay ni Jonalyn iti kamaisan idiay likod ti kapilya ti Jehovah’s Witnesses idiay Sitio Romas, Barangay Suso, Sta. Maria a naburbor ti rupa na ken nakaibaba pay ti sapin na.

-- Advertising --

Nasurok a makabulanen sipud idi napasamak iti nasao a krimen ngem agingga itatta ket awan pay laeng iti paglawlawagan iti napasamak.

Related News:
Pannakapapatay ti babai a nasarakan da iti bangkay na idiay Sta. Maria, nainget a maim-imbestigaran
Resulta iti autopsy ti bangkay ti babai a nasarakan iti kamaisan idiay Sta. Maria, maiyur-uray
Gunguna para kadagiti makaited iti impormasyon iti pannakapapatay ni Jonalyn Fabro, nakasagana nga ited iti pamilya na

Ti biyang ti Sta. Maria municipal police station, adda ti lima a person of interest (POI) nga inimbitaran da idi ket inalaan da ida ti specimen para ti vocal swabbing nga isu iti maiyur-uray iti resulta na iti agdama.

Mangnamnama iti pamilya Fabro a babaen iti reward money nga inyetnag da ket matuntunen nu siasino iti nangpatay ken ni Jonalyn.