VIGAN CITY – Nabagayen a two-way iti kalsada iti sangwanan iti kapitolyo ti probinsia kasaruno iti agsasaruno a post iti social media a reklamo dagiti tattao a natiliw gapu iti panag counter flow da.

Iti pannaki-uman ti Bombo Radyo Vigan kenni Governor Ryan Singson, awan iti agbalin a parikot dagiti motorista no sumurotda laketdi ti pagannurutan iti kalsada ta nabayagen a two-way ken saan a one-way iti dalan iti sangwanan iti kapitolyo.

-- Advertising --

Saan a maawatan ni Gov. Singson nu apay nga adu dagiti agrekreklamo a motorista ta saan met a nabaliwan iti pagannurutan iti nasao a kalsada ken ububraen lang ti Task Force kalsada iti trabahoda.

Nakikinnammayeten ti opisina ti gobernador kenni Mayor Juan Carlo Medina tapno pagsaritaan inaig iti check point ken tapno saan nga maallilaw dagiti motorista.