VIGAN CITY – Mangrugi inton bigat August 5, 2021 agingga August 10, 2021 iti pannakasuspenso iti trabaho iti Local Government Unit iti Sta. Catalina, Ilocos Sur.

Ti nasao nga addang ket nakaisalinong iti Memorandum No. 2021-14 a pinirmaan ni Mayor Edgar R. Rapanut gapu iti panagpositibo iti covid-19 iti maysa nga emplyado iti munisipyo isu a saan pay laeng a sumrek iti trabaho dagiti amin nga emplyado, opisyal ken job orders.

Nupay kasta ket mailaksid iti nasao a pagannurutan dagiti health personnel iti Rural Health Unit ken emergency wenno rescue personnel iti nasao nga ili.

Kiddaw ti mayor kadagiti nakapulapol ti pasyente a sumurotda iti nainget a stay at home policy ken pakaamoanda iti RHU numan bilang adda iti mariknada a sintomas iti covid-19.

Kabayatanna, maisubli iti operasyon iti LGU inton August 11, 2021.

-- Advertisement --