VIGAN CITY – Tallo a nagsusugal ti nakemmeg iti Anti-Illegal Gambling operation idiay Sitio Purok a Dakkel, Brgy Puro, Magsingal.

Nabigbig dagiti suspek a da Brenda Uberita, agtawen iti limapulo ket uppat; Avelina Tagay, agtawen iti limapulo ket siam ken ni Joan Tabudlo, agtawen iti tallopulo ket dua nga agpapada a taga-Brgy Puro ken naaktuan nga agtotong-its.

-- Advertising --

Naala kadakuada ti maysa a set ti baraha, maysa a piraso iti matting ken pusta a PHP975.

Nakakustodian dagiti suspek iti Magsingal Police Station tapno sangwenda ti kaso a panaglabsing iti Presidential Decree 1602 wenno ti Anti-Illegal Gambling Act.