VIGAN CITY – Umaboten iti 1,036 a successful blood donors iti Dugong Bombo New Normal Bloodletting activity ita tawen a naisayangkat iti nadumaduma nga ili iti Ilocos Sur.

Dayta ket kalpasan a nanayunan itattay iti innem a pulo ket dua a balligi a nakadonar iti dara manipod iti ili ti Sta. Lucia.

-- Advertising --

Saan a nagbalin a lapped iti covid-19 iti panangsuportar ti bloodletting dagiti agindeg manipod naduma-duma a barangay iti nasao nga ili, miembro iti fraternity a kas iti United Ilocandia (UI), kameng ti Philippine National Police (PNP), Bureau of Fire Protection (BFP) ken Barangay Health Workers (BHW) isu a naipaayanda iti limited edition face mask nga adda nakaipan nga “I am a Dugong Bombo Donor” kalpasan iti panagdonarda.

Ti nasao a bloodletting activity ket babaen ti panagtitinnulong ti Ilocos Sur Provincial Hospital Gabriela Silang nga isu ti blood bank, Bombo Radyo Vigan ken Sta. Lucia Local Government Unit babaen iti panangidaulo ni Mayor Joseph Simon Valdez.