VIGAN CITY – Manamnama nga inton June 8 iti agdama a tawen ket maipatungpal manen ditoy Ilocos Sur iti Shielding a kas iti naipatungpal idi bulan ti Marso gapu iti agtultuloy a panagado iti kaso iti covid-19.

Segun ken ni Gov. Ryan Singson, saan a napatgan iti kiddawda iti National Inter-Agency Task Force a maipatungpal iti Modified Enhanced Community Quarantine iti intero a probinsia isu a ti shielding iti makitkitana a wagas tapno mapaingetan iti tignay dagiti tattao.

-- Advertising --

Inlawlawagna a ti Shielding ket malimitaran iti panabiahe a rumuar ken sumrek iti probinsia, essential ken emergency purposes, APOR, health and emergency frontline services, courier ken cargo services, public utility services ken passersby.

Pakaladingitanna pay a nangipakammo iti saanto pay laeng a panagawat manipod iti nasao nga aldaw kadagiti Returing Residents (RR) ken Locally Stranded Individual (LSI).