VIGAN CITY – Awan ti makita a foul play dagiti pannakabagi ti linteg iti pannakatay ti maysa a senior citizen a nagbekkel idiay Brgy Sived, Sto Domingo.

Nabigbig ti biktima a ni Anastacio Tobia, agtawen iti pitopulo ket dua a residente iti nasao a lugar.

-- Advertising --

Iti pannaki-uman ti Bombo Radyo Vigan ken ni PLt. John John Garan, nakita ti adingna iti kubo a pagtaltalinaedan ti biktima a nakabitinen iti bobeda babaen ti nylon rope a naiputipot iti tengngedna.

Paralisadon ti biktima gapu ti pannakaaksidentena iti kallabes isu a sagsagabaenna ti patongna ken maymaysan nga agbibiag ta pinanawan ti asawana.

Nupay kasta, agtultuloy ti panagimbestigar dagiti pannakabagi ti linteg no apay a nagpakamatay ti biktima.