VIGAN CITY – Nasarakanen idiay San Juan ti bangkay ti maysa a senior citizen nga immunan a naipakaammo a mapukpukaw.

Nabigbig ti senior citizen a ni Natividad Sunio, agtawen iti walopulo ket maysa a taga Cuantacla, Cabugao a masapsapul pay laeng idi kalman gapu iti pannakatinnagna iti irigasyon idiay Cacadiran, Cabugao.

Iti pannaki-uman ti Bombo Radyo Vigan ken ni Cornelio Sunio nga agtawen ti walopulo ket tallo nga asawana, patienna a naikaruskos ti biktima iti irigasyon a gappuanan iti pannakaiyanudna.

Inyunay-unay ni Cornelio a saanen a makakita pay ni Natividad ta agin-innayad laengen nu magna wenno agkarkaradap.