VIGAN CITY – Natay ti maysa a lalaki a nagmotorsiklo ta naidungpar iti ten wheeler truck idiay Barbarit, Magsingal.

Nabigbig ti nagmaneho ti trak a ni Reymar Quines, agtawen iti uppat a pulo ket tallo a taga-Brgy. Cabaroan, Magsingal idinto a ti biktima ket ni Nathaniel Abo, agtawen iti tallopulo ket siam a taga-Camindoroan, San Juan.

-- Advertising --

Basar ti imbestigasyon dagiti pannakabagi ti linteg ti Magsingal Municipal Police Station, agsikko koma ti trak iti laud a paset ti kalsada ngem sumungsungad iti motorsiklo nga agpapaamyanan a direksyon a naidungpar iti truck.

Gapu ti dayta, nagsagaba iti dunor ti ulo ken bagi ti biktima a naipaagas idiay Tolentino Clinic and Hospital Sto. Domingo ngem saanen a naisalakan pay ti biagna.