VIGAN CITY РMangted ti Philippine Sports Commission ti laptop a ginatangda idi Southeast Asian Games kadagiti nadunaduma nga ahensia ti gobierno tapno adda nayun nga aramatenda ita a panawen iti Covid19 pandemic.

Iti pannaki-uman ti Bombo Radyo Vigan ken ni Commissioner Celia Kiram, adda ti pitogasut a laptop ti PSC a naudi a naaramat idi SEA Games ken gapu ta nagkiddaw kadakuada ti Inter Agency Task Force ket napagdesisyonanda nga ipaayan para kadagiti nadumaduma nga operational activities-da.

-- Advertising --

Limagasut ti maited iti Office of the President kangrunaan iti IATF tapno para iti Covid19 operations kas koma ti survey nga isayangkatda ken iti panangmonitorda kadagiti agsangpet nga Overseas Filipino Workers iti airport.

Kabayatanna, ad-adalenen ti ahensia ti panangtulongda iti Department of Education babaen iti panangipaayda met laeng ti laptop kadagiti remote area a pakaisayangkatan ti online learning ken posible nga iramanda pay ti National Sports Association.