-- ADVERTISEMENT --

VIGAN CITY -Nadadael ti maysa a pasdek iti ili ti Tagudin ta naidungpar ti maysa a van gapu ta naawanan ti kontrol ti manibela ti driver na.

Nabigbig ti nakalugan ti Toyota Hi-Ace Van a ni Gerald Jake Ingoy, agtawen iti duapulo ket lima, agnaed iti Brgy. Libtong.

Basar ti report manipod ti Tagudin Municipal Police Station, agpapaamyanan a direksyon ti nasao a van ket mapapati a linisyanna ti maysa a motorsiklo nga immagaw ti linyana.

Naawanan ti kontrol ti driver ket naidungpar ti maysa a pasdek a kukua ni Jenelyn Paet.

Iti agdama saan pay nga ammo no manu ti gatad dagiti nadadael a sanikua iti napasamak nga aksidente.

-- ADVERTISEMENT --