VIGAN CITY – Inton January 31 a mangrugi ti intensive training dagiti atleta a makipagpaset ti Region 1 Athletic Association (R1AA) a maisayangkat idiay Lingayen, Pangasinan imbes nga inton February 1 kuma.

Segun ken ni Ilocos Sur Division Sports Chief Joe Bueno, ti pannakaisapsapa ti panagensayo dagiti atleta ket gapu ta  nabaliwanen ti schedule ti R1AA agsipud ta naisapsapa iti pannakaisayangkatna.

-- Advertising --

Dagiti trainor ken coach a naggapu idiay National Capital Region ket isuda iti mangituloy a mangensayo kadagiti atleta.

Ti nasao a pasalip ket pakipagpasetan dagiti sangapulo ket uppat a division ditoy Region 1 manipud ti uppat a probinsiya kas ti Ilocos Sur, Ilocos Norte, La Union ken Pangasinan.