-- ADVERTISEMENT --

VIGAN CITY – Dead on arrival ni Mark Mendell Verzola, agtawen iti duapulo ket innem a taga-Brgy. Poblacion, Sta. Maria idinto a pimmusay bayat ti pannakatamingna ni Eduardo Pajimola, agtawen iti tallopulo ket dua, CAFGU a taga-Silang, Sta. Maria gapu ti napasamak a panagdinnungpar ti maysa a kotse ken dua a motorsiklo idiay Brgy Nanguneg East, Narvacan.

Nabigbig ti nagmaneho ti kotse a ni Arvin Tenorio, agtawen iti uppat a pulo ket walo kaduana ti asawa ken putotna nga agpapada a taga- Pantay Daya, Vigan.

Ti Mio motorcycle ket minaneho ni Verzola idinto a ti Kawasaki Fury ket minaneho ni Pajimola.

Iti pannaki-uman ti Bombo Radyo Vigan ken ni P/Capt. Arcadio Viloria, agpada nga agpapa-abagatan dagiti dua a motorsiklo a mapapati nga aglinlinnumba idinto ta immagaw ti kotse iti linya a puon ti panagdinunngparda.

Nag-slide iti kalsada ti Fury idinto a ti Yamaha Mio pakairamanan ni Verzola ken ni Pajimola ket adayo ti nakaipurwakanda.

-- ADVERTISEMENT --

Gapu ti kapigsa ti impact ti aksidente, nagsagaba iti nakaro a dunor dagiti dua a biktima idinto a ti nagmaneho ti kotse ket nagsagaba iti minor injury kasta payen a saan a nadangran dagiti inluganna.

Addan iti kustodia ti kapulisan ti drayber ti kotse ket mapagpapatanganto pay laeng no agipila ti kaso ti pamilia dagiti biktima wenno maki-aregloda.