VIGAN CITY – Inbalakad ni dati a Health Secretary ken agdama nga Iloilo Rep. Janette Garin iti publiko a nasaysayaat no N95 mask ti usaren tapno maliklikan ti coronavirus imbes a dagiti ordinaryo a facemasks.  

Ti pannaki-uman ti Bombo Radyo Vigan ken ni Garin, inlawlawagna a saan nga epektibo ti ordinaryo a mask agsipud ta basbassit  dagiti particles iti nasao a virus ngem ti abut ti nasao a mask isu a nadaras laeng a makastrek.

-- Advertising --

Innayon na pay a masapul nga ibelleng a nasayaat iti mask nu nalpasen nga inusar ta nu naigganan ti mask a nausar a ket saan a nagbuggo iti ima sa mai-yiggem ti rupa ket posible a maapektaran iti virus.

Inpalagip ni Garin a tapno nataltalged kontra ti coronavirus, masapul nga ugaliyen iti panagbuggo ti ima sakbay a maki-allamano ken liklikan nga igganan ti rupa no narugit ti ima.

Innayonna a napateg iti panangipakaammo ti Department of Health iti publiko kadagiti kabaraan a damag inaig ti coronavirus ken kasapulan iti panagsagana ti gobierno.