VIGAN CITY – Agpatpatulong ni Mely Hayuwon a naggapu idiay Kuwait, taga-Tay-ac, Bantay a naka-quarantine idiay Nasugbu, Batangas ken simmangpet ditoy pagilian idi April 7 ta agingga tatta ket awan pay laeng ti napan nangala kadakuada.

Segun ken ni Hayuwon, nalpasen iti sangapulo ket uppat nga aldaw a panagquarantine-da ngem awan pay laeng ti napan nangala kadakuada ket kunana a saanda nga ammo no ania ti plano kadakuada kadagiti sumarsaruno pay nga aldaw.

-- Advertising --

Malaksid iti dayta, ik-ikkanda laeng ida ti taraon a kanenda ngem awan pay ti medical worker a napan nangcheck-up kadakuada ta kayatda koma met a maamuan no adda sakitda wenno awan.