VIGAN CITY – Nainget nga ipatungpal ti Ilocos Sur National High School ti “no face mask, no face shield, no entry” policy kadagiti umay agala ken agisubli ti self learning modules manipud ita nga aldaw, January 20, 2021.

Malaksid ti dayta, masurot pay dagiti dadduma a health protocol kas ti panangkita iti temperatura ti tunggal sumrek, panagbuggo ti ima, panagalcohol ken social distancing tapno saanda a makaptan iti virus.

-- Advertising --

Segun ken ni ISNHS Principal Romulo Quitevis, saan a mapalubosan a sumrek dagiti estudiante no di ket dagiti nagannakda ti mapan mangala kadagiti module.

No saan met a makabael dagiti nagannak a mapan ket mabalinda ti mangibaon kadagiti sabali nga umay mangala.