VIGAN CITY – Negatibo a resulta ti RT-PCR test wenno vaccination card kadagiti fully vaccinated ti kasapulan nga ipakita dagiti mapan agexam iti NAPOLCOM idiay San Fernando City, La Union inton July 31 ken August 1 agsipud ta saan nga agawat ti nasao a probinsia kadagiti antigen test ti iparangda kadagiti border.

Iti pannaki-uman ti Bombo Radyo Vigan ken ni Atty. Joseph Apolonio, Napolcom head ti Ilocos Sur, malaksid ti negatibo a resulta ti RT-PCR wenno saliva test ket masapul nga adda Napanam QR Code ken valid ID dagiti examinee.

-- Advertising --

Ti RT-PCR test wenno saliva test ket masapul a napetsaan manipud iti July 28 para kadagiti ag-entrance exam iti PNP ken July 29 met para ti Promotional Examinations.

Dagiti agexam ket masapul a nakakawes iti plain white t-shirt wenno polo shirt, dark pants ken closed shoes idinto a para met iti Promotional Examinations ket isuotda ti GOA Type B nga awan ti awards wenno medals no di ket ti laeng accoutrements ken mabalin ti patrol shirt ta no saan a nasurot daytoy ket saanda a mapastrek iti examination venue.

Maiparit ti agitugot ti armas, pampabettak wenno aniaman a deadly weapon, two way radio, calculator ken review materials ket dagiti aglabsing, maikkatda nga examinee.