VIGAN CITY – Nanayunan pay ti sangagasut pitopulo ket tallo a covid-19 case iti probinsia isu nga umaboten iti 10,451 kas maibasar ti pakaammo manipod Ilocos Sur COVID-19 Task Force.

Kaaduan iti ili ti Cabugao ta nairekord ti uppat a pulo ket innem, San Juan nga uppat a pulo ket lima, Vigan a tallopulo ket maysa, San Ildefonso a sangapulo ket lima, sag-siam ti Quirino ken Candon, pito idiay Tagudin, tallo idiay Sta. Catalina, sag-dua idiay Bantay, Sta. Cruz ken Salcedo ken saggaysa iti Magsingal ken Sta. Maria.

-- Advertising --

Umaboten ti duaribo siam a gasut ket maysa iti aktibo a kaso ket pitopulo ket tallo ti suspected idinto a dua iti probable.

Kasta pay a nanayunan ti sangagasut siam a pulo ket dua iti nalaingan isu nga umaboten ti pitoribo tallogasut limapulo ket maysa iti total recoveries idinto a tallo iti nainayon a pimmusay isu nga umaboten ti sangagasut siam a pulo ket siam iti covid-19 related deaths.