VIGAN CITY – Insingasing ti Samahang Industriya ng Agrikultura a masimpa iti national planning iti panagmula dagiti mannalon tapno maliklikan ti pannakalugida kasaruno iti nalaka a presyo iti kamatis iti agduduma a lugar iti pagilian.
Iti pannaki-uman ti Bombo Radyo Vigan ken ni SINAG Chairman Engr. Rosendo So, rumbeng laeng nga ammo iti high-value crops nu ania dagiti produkto nga imula dagiti mannalon tapno saanda nga agpapada iti apiten ti masangwanan ken maliklikan ti pannakalugida.
Segun ken ni So, ti nasao a banag ket tapno mamonitor nu mano ti consumption iti pagilian ken sadino iti pakaipananna.
Maipalagip nga umabot iti P10-P15 kada kilo iti presyo iti kamatis idiay Pangasinan ken P5 kada kilo idiay Nueva Vizcaya.
TI PANAGSARITA NI SINAG CHAIRMAN ENGR. ROSENDO SO
