-- ADVERTISEMENT --

VIGAN CITY – Dead on arrival ti maysa a babai ta nalmes idiay Brgy. Poblacion Sur, Salcedo.

Nabigbig ti biktima a ni Jona Alcantara, agtawen ti tallopulo ket tallo, naasawan a taga-Poblacion Norte, Salcedo.

Iti pannaki-uman ti Bombo Radyo Vigan ken ni Pcpl. Darwin Galango, kadua ti biktima ti annakna ken kaanakanna a napan nagdigos idiay Buwaya River idi nadlaw na a ti anakna a ni June Andrie Munar a malmalmes isu a napanna insalakan ket balligi a naisalbarna ngem saanna a naisalbar ti bagina.

Idi napan inarayat ti biktima ti anakna, simmallabay iti inana ngem isu metten ti ad-adda a nairarem a puon ti pannakalmesna.

Naipan pay iti Ilocos Sur District Hospital, Salcedo ti biktima ngem naideklarar a natay.

-- ADVERTISEMENT --