Maysa nga Ilokano iti nainominar ti 1st Edition ti Search for Outstanding Filipino Teachers in Thailand 2021.

Iti pannaki-uman ti Bombo Radyo Vigan ken ni Chris John Tapuro a tubo iti Turod Patac, Cabugao a mangisursuro ita idiay Sarasas Wiated Chiang Mai, Thailand, saanna nga ammo nu siasino iti nangionominar kenkuana kas pagpilian nga outstanding ngem maragsakan isuna gapu iti panagtalekda iti kabaelanna.

Segun ken ni Tapuro, manamnama iti maisayangkat nga interview kadakuada a sangapulo ket walo a nominees manipod ti pagilian ket lima agingga sangapulo iti mapili kas Outstanding awardee.

Gagem ti nasao a pammadayaw a mangipakammo inaig iti teaching competency ken contributions dagiti Filipino Teachers iti Field of Education idiay Thailand, bigbigen ti impaayda iti pagadalan a pagsursurwanda ken tapno maguyugoy dagiti mangsirusuro a Pilipino nu kasano iti panagbalin nga outstanding Filipino Teacher iti nasao a pagilian.

VC- CHRIS JOHN TAPURO