VIGAN CITY – Patien ni Senador Risa Hontiveros a napateg ken kasapulan ti maikatlo a panagdengngeg iti bakuna a gatangen ti pagilian ta agingga ita ket maal-allilaw pay laeng ti publiko iti plano ti gobierno.

Iti pannaki-uman ti Bombo Radyo Vigan ken ni Hontiveros, pagpapatangandan no siasino pay dagiti awisenda a resource person a mangilawlawag iti isyu.

-- Advertising --

Kwinestyon ni Sen. Hontiveros no apay a Sinovac nga awan ti makanay nga impormasion ti pilpilien ti gobierno a bakuna numan pay saan a rumbeng nga isyu no ania ken nudta a pagilian wenno kompania ti paggapuananna agsipud ta ti napateg ket garantisado iti Food and Drugs Administration iti kinaepektibo ken kinatalgedna pakairamananen iti panagsangpetna iti husto a tiempo.

Balawen ti kongresista no apay a kasla siguradon ti gobierno nga inton Pebrero ket maisangpeten ti Sinovac doses uray awan pay ti emergency use authorization na ta saan pay a dimmalan iti Phase 3 clinical trials.

Nupay kasta, kiniddawna iti patas a distribusyon kadagiti probinsia no addanton ti bakuna ken rumbeng a saanda a tiptipiden dagiti umili.