VIGAN CITY – Arigna awanen iti pangipanan kadagiti pasyente iti covid-19 iti Ilocos Sur gapu iti agtultuloy a panagado iti covid case kas pinasingkedan ni Dr. Ruth Judith Gay Cristobal iti Ilocos Sur Medical Society.

Segun ken ni Dr. Cristobal, overflowing-en iti Provincial Health Units, District Hospitals ken healthcare facilities iti probinsia gapu iti kinaadon iti kason a mairerekord.

-- Advertising --

Ti panagado iti kaso ti covid-19 iti probinsia ket gapu iti nalukay a restrictions kadagiti border iti napalabas a dua a lawas isu a nawaya a sumrek dagiti Returing Resident (RR), Authorized Persons Outside Resident (APOR), returning Overseas Filipino Worker ken Locally Stranded Individual (LSI) manipod kadagiti high risk area.

Umabot pay ti pitopulo ket lima a porsiento dagiti nakaptan ti virus ket manipod ti local transmission ta maibasar iti monitoringda ket asymptomatic iti kaaduan, isu a posible a mangted pangta kadagiti high risk iti nasao a sakit ta mabalin a maakaranda a rason iti kumarwan iti kasasaadda.

Inlawlawagna a mabalin a madevelop iti uneg ti sangapulo ket uppat nga aldaw iti covid-19 kadagiti asymptomatic.

Gapu iti dayta ket kiddawna iti pannakitinnulong ti publiko babaen iti panagaramat iti face mask ken face shield, masansan a panagbuggo iti ima, panagsurot ti social distancing ken rumuar laeng iti pagtaengan no adda iti napateg a papanan.