VIGAN CITY – Lima gasut a milion nga Australian dollar a gatad ti bakuna ti gatangen ti Australia iti Pacific countries nga agpaay kadagiti pito nga Southeast countries pakairamanan ti Pilipinas ita a tawen.

Iti pannaki-uman ti Bombo Radyo Vigan ken ni Denmark Suede, maysa a frontliner ti Australia, adda pay ti 80 million dollar nga impaayda iti Covax facility a babaen ti dayta ket duapulo a milion a dose ti bakuna ti libre a maala ti pagilian ta maibasar iti 20 percent iti populasyon.

-- Advertising --

Inton February 15 ti manamnama a rollout ti bakuna idiay Australia ta nakitulagdan iti Pfizer para ti 10 million doses, 60 million doses iti AstraZeneca ken Novavax.

Karaman dagiti frontliners, immigration officers ken dagiti agtawen iti pitopulo agpangato kadagiti 700,000 a mabakunaan iti Phase 1 ti vaccination program.