VIGAN CITY – Umaboten iti dua gasut pitopulo ket tallo dagiti kaso ti Covid19 iti probinsia ta adda lima a nainayon iti nagpatnag nga agpapada a taga-Balidbid, Salcedo ken extensive ti contacts -da.

Ni ISC269 ket agtawen iti tallopulo ket maysa a babai, maysa a housewife. Asymptomatic, awan ti travel history-na

-- Advertising --

Ni ISC270 ket babai nga agtawen iti innem a pulo ket uppat, agtagilako iti nateng. Naguyek, adda travel history-na idiay Candon City idinto a ni ISC271 ket lalaki nga agtawen iti uppat a pulo, maysa a butcher. Asymptomatic, awan travel history-na.

Kabayatanna, agtawen iti sangapulo a babai nga estudiante ni ISC272. Asymptomatic, extensive ti contacts na ken awan ti travel history-na.

Ni ISC273 ket agtawen iti sangapulo ket dua a lalaki, estudiante. Asymptomatic, awan travel history-na ken extensive ti contacts-na.

Manipud Januart 26 agingga February 9 ket maidalan iti Enhanced Community Quarantine dagiti lugar a sakupen ti critical zone, MECQ dagiti sakupen iti containment zone ken GCQ dagiti sakupen ti buffer zone.