VIGAN CITY – Kaso a Cyber Libel ti sangwen ni Reynaldo Pacleb a taga-Taguiporo, Bantay gapu ti panangpadakesna iti maysa a padi babaen iti social media.

Ti biktima ket nabigbig a ni Fr. Gerard Isabelo Antolin, agtawen iti limapulo ket innem a taga-Paing, Bantay.

-- Advertising --

May 31 iti alas otso y media iti agsapa idi napan ti suspek iti simbaan ti Paing tapno mapan mangidaton ngem binagaan ti padi a nakarikep ti simbaan ken awan ti sekretarya nga umawat kadagiti daton

Kalpasan ti sumagmamano nga oras, nakigtot ti biktima ta pinagsawsaw-an isuna ti suspek babaen ti post-na iti Facebook ket inawaganna nga awan modona ken nangiraman pay iti bersikulo ti biblia a pangkontrana iti biktima.