VIGAN CITY – Kaso a panaglabsing iti Republic Act 9165 wenno Comprehensive Dangerous Drugs Act of 2002 ti sangwen ti maysa a lalaki a natiliw iti buy bust operation idiay Brgy. Lapting, San Juan.

Nabigbig ti suspek a ni Niel Omnas a karaman iti Municipal watchlist, agtawen iti uppat a pulo, construction worker, tubo ti Penarubia, Abra nga agnaed ita iti Brgy. Asilang.

Naala manipud iti suspek ti maysa a small brown pouch a naglaon iti lima a piraso ti heat sealed plastic sachet ti shabu nga ikotna, maysa a piraso ti elongated heat-sealed plastic sachet ti shabu a nagserbi kas buy-bust item nga agdagsen iti 0.7 grams nga aggatad iti lima a ribo a pisos.

Malaksid ti dayta, adda pay ti sangaribo a pisos a buy bust money ken lima a piraso ti sangaribo a pisos a boodle money a naala manipud iti suspek a nakaibaluden iti San Juan Police Station ken maisagsaganan ti kaso a sangwenna.